Qoys Guulaystaa Waa Qaran Guulaystay

Qoyska waa aasaaska bulshada iyo saldhigga horumarka qaran kasta. Marka qoys walba uu dhiso xasilooni, wadajir iyo is-ixtiraam, waxaa si toos ah u kobcaya qaranka oo dhan. Qoyska guulaystaa waa kan ay ka dhexeyso kalsooni, wada-hadal, iyo garab-istaag joogto ah oo u dhexeeya xubnaha qoyska dhexdiida.

 Doorka Qoyska ee Dhismaha Qaranka

Qoys kasta wuxuu door muhiim ah ka ciyaaraa dhismaha bulshada. Haddii waalidku ay si wanaagsan u barbaariyaan caruurtooda, una tababaraan xaga akhlaaqda, xirfadaha iyo wadaniyada, waxay soo saaraan dhalinyaro tayo leh oo mustaqbalka qaran dhisi karta. Qoysaska isku duuban ayaa soo saara jiil awood u leh inuu horumariyo dhaqaalaha, waxbarashada, iyo nabadda waddanka.

Sidoo kale, xiriirka wanaagsan ee u dhexeeya lammaanaha iyo caruurta wuxuu abuuraa deganaansho bulsho oo horseeda guul qaran, waayo qaran kasta oo guulaysta dad ka hogaamiya waxay ka soo baxeen qoysas ka mid bulshada meeshaas ku nool, waxa loogu dadaalayo qoysaska waa in ay soo saareen dad wanaagsan oo tayo leh oo lagu daydo.

 Sida Loo Dhiso Qoys Guulaysta

Si qoys u guuleysto, waa in uu ku dhisnaadaa arimahaan:

         Wada-tashi iyo is-qadarin: Go’aamada muhiimka ah waa in la wada gaaraa.

         Cadaalad iyo daacadnimo: Xubnaha qoyska waa inay dareemaan sinaan.

         Waqti wada qaadasho: Waqti la wada qaato si loo xoojiyo xiriirka qoyska.

         Diin iyo akhlaaq: In lagu dhaqmo qiyamka wanaagsan ee Islaamka iyo dhaqanka.

          Marka qoys walba uu sidaas sameeyo, waxay horseed u noqonayaan qaran adag, midaysan                      oo horumarsan.

      Gunaanad

       Qoys guulaystaa waa tiirka qaranka. Marka la xoojiyo qoyska, waxaa la xoojinayaa qaranka.                   Sidaa darteed, horumarka iyo barwaaqada waddan kasta waxay ka bilaabataa guriga halkaas oo               qiimaha nolosha iyo mustaqbalka ummadda lagu dhiso.

#QoysGuulaysta #QaranGuulaystay #HorumarkaQoyska #BulshoWanaagsan #IskuDuubni