Sayniska Ka Dambeeya Dhiirigelinta Sida Maskaxdaadu Kuu Kaxayso Si Aad U Guulaysato

Dad badan waxa ay fahmaan in dhiirigelintu ay tahay dareen kaliya laakiin run ahaantii waxa ka dambeeya saynis adag oo la xiriira sida maskaxdaadu u shaqayso Marka aad go’aansato in aad samayso wax cusub ama aad sii waddo hawl adag waxa kugu shaqaynaya qaybo gaar ah oo maskaxda ah iyo kiimikooyin dabiici ah oo sameeya tamar iyo rabitaan Guushaadu waxay ku xidhan tahay sida aad u fahanto maskaxdaada iyo sida aad ugu tababarto in ay had iyo jeer noqoto mid firfircoon oo dhiirigelisa

Maskaxda bani’aadamku waxa ay leedahay qaybo kala duwan oo mid walba leeyahay shaqo gaar ah Marka laga hadlayo dhiirigelinta waxa ugu muhiimsan waa qayb la yidhaahdo nidaamka abaalmarinta qaybtaan waxa ay la shaqaysaa kiimiko la yidhaahdo dopamine Dopamine waa kiimiko dareen farxad oo kugu kallifta in aad hawl fuliso oo aad rajaynayso natiijo fiican Mar kasta oo aad qabato wax fiican sida marka aad shaqo yar dhamayso ama aad heshid natiijo wanaagsan dopamine ayaa korodhay waxa ay maskaxdaadu dareentaa farxad taasina waxa ay kuu dhiirigelisaa in aad mar kale isku daydo

Haddii dopamine hoos u dhaco waxa aad dareemaysaa caajis iyo rajo la’aan dadka guulaysta waxa ay yaqaanaan sida ay maskaxdooda ugu qasbaan in dopamine mar walba uu shaqeeyo Tusaale ahaan waxa ay hawsha u qaybiyan qaybo yar yar si ay mar walba u helaan abaalmarin yar kadibna maskaxdu waxa ay dareentaa in hawshu fudud tahay sidaas darteed dhiirigelintu ma lumin

Sida kale maskaxdaadu waxa ay jeceshahay wax cusub iyo caqabado cusub haddii aad mar walba ku celceliso hawl isku mid ah adoon wax cusub ku darin dopamine wuu yaraadaa waxa aad dareemaysaa caajis Sidaa darteed haddii aad rabto in aad mar walba dhiirigeliso isku day in aad sameyso hawlo cusub ama aad isku daydo habab cusub si maskaxdaadu u dareento xiiso cusub

Wax kale oo muhiim ah waa sida maskaxdaadu u maamusho cabsida iyo walbahaarka Marka maskaxdu dareento cabsi ama khatar waxa ay sii daysaa hormoono kale sida cortisol kaas oo hoos u dhiga rabitaanka iyo farxadda Waxa uu ku dhiirogelinayaa in aad iska daysid hawsha si aad u badbaado marka la eego maskaxda primitive ka ah laakiin waqtigeena casriga ah waxa uu noqdaa caqabad sababtoo ah waxa uu kaa hor istaagayaa in aad guulaysato Sidaa darteed dadka guulaysta waxa ay bartaan in ay xakameeyaan fikirka xun iyo welwelka waxayna diiradda saaraan xalka iyo tallaabooyinka fudud oo maskaxda ka yareeya cabsi

Hab kale oo maskaxdaadu ka shaqeyso waa in ay ku xidhato hab-dhaqan iyo caadooyin Joogtaynta hawl isku mid ah waxay maskaxda ku abuurtaa waddooyin cusub oo neerfayaasha ah mar kasta oo aad ku celceliso waxa ay noqotaa caado maskaxdaada ayaa si otomaatig ah kuugu qasbaysa in aad sii waddo Tusaale haddii aad caadaysato in aad subax walba shaqo yar oo muhiim ah qabato maskaxdu waxa ay ku diiwaangelisaa hawshaas sida hawl muhiim ah oo laga maarmaan ah sidaas awgeed dhiirigelinta ayaa sii socota

Sayniska maskaxdu waxa uu inoo sheegaa in dhiirigelintu aysan kaliya ku iman karin fikir wanaagsan ee ay u baahan tahay ficil dhab ah Markasta oo aad ficil qaaddo dopamine ayaa baxa marka aad ka fikirto kaliya ee aanad tallaabo qaadin dopamine wuu yaraadaa Sidaas awgeed dad badan waxa ku dhacda in ay ku fikiraan riyo waaweyn balse aan waxba qaban oo ugu dambayn niyad jaba

Marka aad rabto in aad kaxayso maskaxdaada si ay kuugu shaqayso guul waa in aad bilowdo ficil yar oo degdeg ah intii aad ka fikir lahayd dhawr cisho oo kale Maskaxdu waxa ay jeceshahay ficil cad mana fahanto marmarsiinyo ama dib u dhigis

Cilmibaadhisyo badan ayaa muujiyay in dadka ku guulaysta waxyaabo badan ay leeyihiin hab maskax oo u diyaarsan dhiirigelin Joogteynta shaqada yaryar isticmaalka kalmadaha togan ka fogaanshaha fikirka xun iyo fahamka abaalmarinta maskaxda ayaa ka dhigay in ay gaadhaan meel sare

Haddii aad rabto in aad ku tababarto maskaxdaada inaad ku shaqayso dhiirigelin joogto ah isku day in aad yeelato jadwal maalinle ah oo hawlo yar yar oo guul ah ka buuxaan Qor liis hawleed yar oo aad ku bilaabayso subax kasta marka aad mid dhamayso maskaxdaadu waxa ay abaalmarin ku siinaysaa dopamine farxad leh taas oo ku dhiirigelisa hawsha xigta

Isla mar ahaantaana ku abuur jawi wanaagsan dadka kugu xeeran waxa ay saameeyaan maskaxdaada dadka togan waxa ay kor u qaadaan farxadda iyo dhiirigelinta dadka xun waxa ay hoos u dhigaan tamartaada Maskaxdu waxa ay soo qaadataa dareenka dadka kugu dhow sidaa awgeed dooro asxaab iyo qoys kugu taageera

Ugu dambayn fahamka sayniska maskaxda waxa uu kaa caawinayaa in aad si caqli leh u maamusho dareenkaaga iyo tamartaada waxaad baranaysaa in dhiirigelintu aysan ahayn mucjiso ee ay tahay nidaam dabiici ah oo aad adigu gacanta ku haysato Guushaadu waxay bilaabataa marka aad barato sida maskaxdaadu u shaqayso kadibna aad ku dhaqanto talooyinka sayniska ku dhisan

Marka noloshu ku adkaato marka caajisku ku soo boodo ama marka aad rabto in aad wax cusub bilowdo maskaxdaada waa furaha ugu weyn ee kaa caawinaya inaad guulaysato Talooyinkaan waxay ku tusayaan waddo cad oo aad ku kobcin karto dhiirigelintaada si joogto ah

Had iyo jeer xasuuso in maskaxdaadu ay kuu adeegayso haddii aad si caqli leh u isticmaasho waxa kaliya ee aad u baahan tahay waa ficil yididiilo iyo adkaysi si aad u guulaysato adigoo isticmaalaya awoodda dabiiciga ah ee maskaxdaada