TARBIYADA DIINTA IYO MUHIIMADA AY U LEEDAHAY CARUURTA

                                                                           

Tarbiyada Diinta iyo Muhiimada ay u leedahay Caruurta

Tarbiyada diinta waa tiir muhiim ah oo caruurta la bari karo si ay u helaan akhlaaq wanaagsan, qalbi daggan iyo nolol qiimo leh. Marka ilmuhu helo tarbiya diini ah oo sax ah, waxa uu baranayaa in uu ilaaliyo edebtiisa, ixtiraamo dadka kale, isla markaana fahmo farqiga u dhexeeya waxa wanaagsan iyo waxa xun. Taas ayaa ka dhigaysa tarbiyada diinta in ay noqoto hanti weyn oo waalidku caruurtiisa siiyo.

Muhiimada Tarbiyada Diinta

Tarbiyada diintu waxa ay caruurta bartaa in ay yeeshaan aqoon ku saabsan Alle, Nebiyada iyo waajibaadka qofka Muslimka ah. Waxay kobcisaa akhlaaqda, dulqaadka, iyo naxariista. waxay bartaa dahaarada iyo aadaabta kala duwan ee diiniga ah sida aadaabta bixitaanka, soo galitaanka, seexashada, aadaabta cuntada, aadaabta masjidka, aadaabta guriga iwm. 

Caruurta ku barbaarta diinta waxay bartaan in ay ilaaliyaan salaadda, runta sheegaan, kana fogaadaan xumaanta. Waxa kale oo ay gacan ka geysataa dhisidda kalsoonida gudaha ah iyo ku dhaqanka qiyamka wanaagsan.

Doorka Waalidka iyo Bulshada

Waalidka ayaa ah macalinka ugu horreeya ee caruurta siiya tarbiyada diinta. Marka waalidku carruurtiisa ku barbaariyo Qur’aanka, xadiiska iyo dhaqanka wanaagsan, ilmuhu wuxuu korayaa isaga oo ah mid  akhlaaq fiican leh. Sidoo kale, bulshada iyo goobaha waxbarashada sida iskuulka ayaa door weyn ka qaata, maadaama caruurtu ka bartaan deegaanka qiimayaal badan oo saameeya mustaqbalkooda.

Gunaanad

Tarbiyada diinta waa saldhig muhiim u ah nolosha caruurta, waxayna ka caawisaa in ay noqdaan dad ixtiraam leh oo bulshada wax ku biiriya. Sidaas darteed, waalidka iyo bulshada waa in ay si wadajir ah ugu dadaalaan baridda caruurta diinta iyo qiyamka wanaagsan si loo helo jiil mustaqbal fiican leh oo hami sare ka leh aduun iyo aakhiraba, oo dalka, diinta, iyo dadkaba anfaca.

#TarbiyadaDiinta #Caruurta #Akhlaaqda #Mustaqbalka #Quranka #Bulshada