Sida Diiradda Loo Sii Haysto Adduunka Mashquulka ah

 

 Sida Diiradda Loogu Sii Joogo Adduunka Mashquulka ah

Adduunkeenna maanta waa mid ay ka buuxaan mashquul, qaylo, iyo farriimo joogto ah oo maskaxda kala jeedinaya. Waxa aan wajahaynaa qalab digital ah, warbaahin bulsho, iyo hawlo badan oo hal mar la la doonayo in la qabsado tension keena. Haddaba, sidee bay suurtogal ku noqon kartaa in qofku si joogto ah diiradda u saaro noloshiisa iyo shaqadiisa?

Halkan hoose waxaan ku xusan siyaabo wax ku ool ah oo kaa caawin kara inaad diiradda sii ilaaliso:

1. Dejiso Ujeeddo Cad

Markasta oo aad leedahay ujeeddo cad ama yool, waxay kuu sahleysaa inaad iska ilaaliso wax kasta oo kaa leexinaya dariiqaaga. Qor yoolalkaaga maalinlaha ah si aad u ogaato waxaad u baahan tahay inaad qabato.

 2. Ka Fogow Waxyaabaha ku Mashquulinaya

Geli taleefankaaga "silent mode", dami ogeysiisyada (notifications), oo samee meel gaar ah oo aamusnaan ah  oo kuu gaar ah  si aad uga shaqeyso arrimaha muhiimka kuu ah.

 3. Isticmaal Habka “Pomodoro”

Habkan waa inaad shaqeyso 25 daqiiqo si buuxda , kadibna nasato 5 daqiiqo. Waa hab wax ku ool ah oo maskaxda ku dhiirogelinaya inuu diiradda haysato xaga horumarkaada iyo shaqada.

 4. Daryeel Maskaxdaada iyo Jirkaaga

Hurdo fiican, cunto nafaqo leh, iyo jimicsi joogto ah waxay kor u qaadaan awoodda diiradda. Maskax caafimaad qaba ayaa ah furaha guusha.

 5. Baro Inaad Maya oran Karto

Dadka qaar waxay noqonayaan sababta ugu weyn ee mashquulkaaga. Baro inaad diido waxyaabaha aan mudnaanta lahayn si aad uga fogaato xad-dhaafka nolosha iyo macno darada.

 6. Qorshee Maalintaada Gelinka Hore

Markaad subaxdii hore dejiso waxyaabaha aad rabto inaad qabato, waxaad yareyneysaa fursaddaha mashquul ee aan qorsheysneyn inuu kaa hor yimaado ama kaa leexiyo qorshahaaga.

 Gunaanad:

Dunida maanta waa meel mashquul ah, diiradda ayaa noqotay hanti qaali ah. Qofka guuleysta waa kan fahma sida uu maskaxdiisa u xakameyn karo, una horumarin karo kartidiisa diiradana u saaro wixii dantiisa ah

Xasuusnow: Ma aha inaad wax walba qabato, balse waa inaad wixii kuu  muhiim ah qabato si wanaagsan oo hufan .

 

Erey dhiirigelin ah:
"Adiga ayaa mas'uul ka ah maskaxdaada — u hoggaami sida aad doonto inaad u noolaato.