Saameynta Caddaalad-darada ee Xiriirka Bulshada
Caddaaladdu waa tiirka ugu weyn ee mideysa bulshada, halka caddaalad-daraduna ay tahay burburiyaha ugu khatarta badan ee xiriirka bulshada. Marka dadku dareemaan in si cadaalad ah loola dhaqmo, waxay dhisaan kalsooni, is-ixtiraam, wada-jir. Laakiin marka cadaalad-daro timaado, waxay keentaa naceyb, niyad-jab, iyo kala shaki bulshada dhexdeeda.
Saameynta Caddaalad-daradu ku leedahay Xiriirka Bulshada
Caddaalad-daradu waxay saameyn weyn ku yeelataa xiriirka dadka. Marka qof ama koox la takooro, waxaa dhasha kala fogaan iyo dareen ah in bulshadu aysan isku sinayn. Tusaale ahaan, haddii shaqooyinka, adeegyada dowlada, ama fursadaha waxbarasho aan si siman loo qeybin, waxaa dhalanaya niyad-jab iyo caro bulshada dhexdeeda ah. Taasina waxay dhaawacdaa wada-noolaanshaha iyo is-aaminaadda dadka.
Sidoo kale, caddaalad-daradu waxay dhalisaa nacayb iyo dagaal maskaxeed. Dadka dareema in la duudsiyay waxay u muuqdaan kuwo aan danayn bulshada inteeda kale. Taas ayaa sababta in xiriiradii wanaagsanaa ee bulshada ay burburaan, isla markaana ay adkaato in la helo isfaham iyo wada-shaqeyn dhab ah.
Doorka Caddaaladda ee Dib-u-dhiska Xiriirka Bulshada
Si xiriirka bulshada dib loogu dhiso, waa in caddaaladdu noqotaa tiirka koowaad ee hogaaminta bulshada. Marka dadka la siiyo xuquuqdooda, la dhageysto codkooda, lana tixgeliyo dareenkooda, waxay dareemaan qiimo iyo inay qeyb ka yihiin bulshada. Caddaaladu waxay abuurtaa jawi lagu wada noolaado si nabad ah, iyadoo dadka ku dhiirigelisa wada shaqeyn, wada jir iyo is-ixtiraam.
Gunaanad
Gebogebadii, caddaalad-daradu waa cudur burburiya xiriirka bulshada, halka caddaaladdu ay tahay dawo mideysa dadka. Bulsho kasta oo rabta horumar iyo nabad, waa inay hubisaa in caddaaladu si dhab ah uga dhex shaqeyso dadka oo dhan, oo ay isku arkaan inay u siman yihiin wixii xuquuq ah.
#Caddaalad #Bulsho #Xiriir #Horumar #Nabad #IsAaminaad #WadaNoolaansho
.png)
.png)
.png)
0 Comments