SIDEE LOO SAMEEYAA QORSHE MAALIYADEED SI FAQRIGA LOOGA BAXO

                                                                             

                                                  

Sidee Loo Sameeyaa Qorshe Maaliyadeed (Budget) Si Faqriga Looga Baxo

Qorshaha maaliyadeed (budget) waa qaab muhiim ah oo qof kasta u suurtagelin kara in uu si habboon u maareeyo dakhliga iyo kharashaadka. Dad badan ayaa ku dhibtooda sababtoo ah ma lahan qorshe cad oo ay raacaan, taasoo keenta in ay ku sii dhex jiraan faqriga. Qorshe maaliyadeed sax ah wuxuu qofka siinayaa awood uu ku yareeyo kharashyada aan muhiimka ahayn, isla markaana uu kordhiyo kaydka iyo maalgelinta.

Talaabooyinka Lagu Sameeyo Qorshe Maaliyadeed

1. Fahamka Dakhliga iyo Kharashka

Talaabada koowaad waa in aad qorto inta dakhliga aad hesho iyo meesha uu kaasoo galo. Kadib diiwaangeli dhammaan kharashyadaada, laga bilaabo kuwa waaweyn sida qarashyada ku baxa caafimaadka, waxbarashada, kirada iyo cuntada ilaa kuwa yaryar sida gaadiid raaca, magaalo jooga iyo adeegyada kale.

2. Kala Saar Kuwa Muhiimka ah iyo  Kuwa Aan Muhiimka Ahayn

Si loo guuleysto, waxaa muhiim ah in kharashyada loo kala saaro: kuwa lama huraan ka ah iyo kuwa aan lama huraan ka ahayn. Tani waxay kaa caawinaysaa inaad si joogto ah ugu ilaaliso kharashyadaada xadka dakhligaaga, ama awoodaada dakhli.

3. Samee Ujeeddooyin Maaliyadeed

Qorshaha maaliyadeed wuxuu qiimo yeeshaa marka aad dejiso ujeeddooyin cad cad sida: in aad keydiso lacag bil kasta, inaad maalgelin sameyso, ama aad iska bixiso deynta keeni karta caqabado.

4. La Soco Qorshahaaga

Mar kasta dib u eeg qorshahaaga si aad u aragto waxa shaqeynaya iyo waxa aan shaqeynin. Haddii kharash gaar ahi kordho, isku day inaad bedesho si aad uga fogaato dhibaato maaliyadeed.

Gunaanad

Qorshe maaliyadeed sax ah waa tallaabada ugu horreysa ee looga baxo faqriga. Marka aad barato sida loo xakameeyo dakhliga iyo kharashka, waxaad heli doontaa awood aad ku dhisto nolol dhaqaale oo deggan. Qorshaha joogtada ah iyo ujeeddooyinka cad cad ayaa ah furaha guusha.