SAAMAYNTA TECHNOLOGY-YADU KU LEEDAHAY CARUURTA

                                                                           

Saamaynta Technology-yadu iyo Internet ku Leeyihiin Caruurta

Qarnigan casriga ah, caruurta waxay ku barbaaraan adduun ay buuxiyeen technology iyo Internet. Barnaamijyada ciyaaraha, baraha bulshada, iyo qalabka casriga ah ayaa noqday qayb ka mid ah noloshooda maalinlaha ah. Saamaynta arrimahan waxay leedahay dhinacyo wanaagsan iyo kuwo taban, taasoo waalidku u baahan yihiin inay fahmaan si ay carruurtooda ugu hagaan jid sax ah.

Faa’iidooyinka Technology iyo Internet-ka

Waxbarasho iyo Horumar

Technology-ga wuxuu caruurta siinayaa fursado waxbarasho oo cusub. Barnaamijyada waxbarasho iyo video-yada online-ka ah ayaa ka caawiya in ay si fudud u bartaan xisaabta, luqadaha, iyo sayniska. Waxa kale oo ay helaan macluumaad ballaaran oo ay ka faa’iidaysan karaan marka ay sameynayaan cilmi-baaris ama shaqooyin dugsi.

Isgaarsiin iyo Hanuunin

Internet-ku wuxuu suurto galiyay in carruurtu si degdeg ah ula xiriiraan asxaabtooda iyo qoysaskooda meel kasta oo ay joogaan. Waxa kale oo ay ka helaan hagitaan ku saabsan xirfadaha iyo hiwaayadaha ay xiiseynayaan, taasoo kor u qaadda kalsoonidooda.

Dhibaatooyinka ka Imaan Kara internet ka

Ku Xadgudubka Waqtiga

Haddii carruurta aan loo sameyn xadeeyayaal cad, waxay waqti badan ku lumiyaan ciyaaraha iyo baraha bulshada. Tani waxay hoos u dhigi kartaa waxbarashadooda iyo himadooda.

Saamaynta Maskaxeed iyo Akhlaaqeed

Carruur badan waxay u nugul yihiin saamaynta xun ee Internet-ka, sida filimada rabshadaha leh ama xogta aan habboonayn. Tani waxay saameyn kartaa akhlaaqdooda, hab-dhaqankooda, iyo fikirka mustaqbalka.

Doorka Waalidka

Waalidku waa in ay la socdaan waxa carruurtu kaga jiraan onlin-ka, iyagoo siinaya wacyigelin iyo xaddidaad ku habboon. Waxaa muhiim ah in la sameeyo jadwal isku dheelitiran oo u dhexeeya waxbarashada, ciyaaraha iyo waqtiyada internet-ka.

Gabagabo

Saamaynta technology-yada iyo Internet-ku waa mid laba dhinac leh. Waxa ay u keeni karaan carruurta horumar iyo aqoon, balse sidoo kale halis ayay ku keeni karaan haddii aan si wanaagsan loo maareyn. Waalidku waxay door muhiim ah ka ciyaaraan hubinta in carruurtu ka faa’iidaystaan dhinacyada wanaagsan, isla markaana laga ilaaliyo dhinacyada taban.