Isbeddelka Cimilada iyo Waxa Aad Samayn Karto

Waa Maxay Isbeddelka Cimilada?

Isbeddelka cimilada waa koror ama hoos u dhac joogto ah oo ku yimaada heerkulka, roobabka, iyo xaaladaha kale ee cimilada adduunka. Waxay inta badan ka dhalataa falalka aadanaha sida gubista shidaalka fosil-ka, warshadaha, iyo jarista dhirta. 

Saameyntiisu ama waxa ka yimaada waa mid baahsan sida kororka biyo-baxa ama uumi biyowga, duufaanno xoog leh oo dhaca, iyo dhibaatooyin caafimaad oo yimaada.

Sida Qofku Gacan Ugu Geysan Karo

Inkasta oo isbeddelka cimiladu yahay caqabad weyn, qof kasta waxa uu qaadi karaa talaabooyin fudud oo wax ku ool ah:

         Kaydinta Tamarta: Iftiinka iyo qalabka korontada oo aad demiso marka aan la isticmaalayn.

         Dib-u-warshadaynta iyo Yarayn qashinka: Kala saar qashinka oo dib u isticmaal waxyaabaha             suurtagal ka ah.

         Gaadiidka Dadweynaha: Ka faa’iidaysiga basaska, tareenada, ama socodka lugtaa halkii aad                 gaari gaar ah isticmaali lahayd si gubista shidaalku u yaraatol

         Beerta iyo Dhirta: Geedaha ku beer gurigaaga ama bulshada ku wacyi gali;  waayo waxay                      nadiifiyaan hawada oo yareeyaan qiiqa CO₂.

            Tusaale 

Qoys Soomaaliyeed oo ku nool magaalo ayaa bilaabay inay isticmaalaan tamarta cadceedda, dib u warshadeeyaan qashinka, isla markaana raacaan gaadiidka dadweynaha. Muddo sanado ah, waxay yareeyeen qiiqa CO₂, amaan iyo karti badana waa ku mutaysteen. Tani waxay muujineysaa in tallaabooyin yaryar ay saameyn weyn ku yeelan karaan cimilada.

Gunaanad

Xakamaynta isbeddelka cimiladu ma aha wax adag, wixii awoodeenaa marka laga hadlayo; waa na mas’uuliyad aan wada leenahay. Tallaabooyin yar-yar ee aan maanta qaadno waxay mustaqbalka ka dhigi karaan inaan helno hawo nadiif ah oo caafimaad qabta. Sidaa darteed, ha sugin in dadka kale wax sameeyaan; ficilkaaga maanta waa kan badalaya berrito.