DOORKA WAALIDKA EE AASAASKA AKHLAAQDA CARUURTA

                                                                    

Doorka Waalidka ee Aasaaska Akhlaaqda Carruurta

Carruurtu waa muraayad ka tarjumaysa dhaqanka iyo akhlaaqda ay ka bartaan guryahooda. Waalidiintu waxay door aasaasi ah ku leeyihiin dhismaha akhlaaqda carruurta, maadaama gurigu yahay meesha ugu horreysa ee ilmuhu ka barto waxa wanaagsan iyo waxa aan habboonayn. Akhlaaqda wanaagsan ee lagu dhiso carruurta goor hore waxay saameyn togan ku yeelataa mustaqbalkooda.

Doorka Waalidka ee Akhlaaq-dhisidda

Waalidku waa macallinka ugu horreeya ee ilmaha. Marka uu ilmuhu arko waalid daacad ah, dulqaad leh, iyo naxariis badan, waxa uu si dabiici ah u qaataa akhlaaqdaas. Tusaalaha wanaagsan ayaa ka xoog badan hadal kasta oo aan ficil lahayn.

Baridda Caruurta Qiyamka Asaasiga ah

Waalidku waa inay carruurtooda ku barbaariyaan qiyamka sida ixtiraamka, run sheegidda, wadajirka, iyo samirka. Haddii qiyamkaas lagu celceliyo maalin walba, waxay si qoto dheer ugu dhex milmaan dabeecadda carruurta.

Kormeer iyo Hagid

Carruurtu waxay u baahan yihiin hagid joogto ah si ay u fahmaan waxa saxda ah iyo waxa qaldan. Waalidiintu waa inay si dulqaad leh u saxaaan khaladaadka carruurtooda, iyagoo baraya cawaaqibka ficil kasta.

Saameynta Akhlaaqda wanaagsan ee Mustaqbalka Carruurta

Carruurta ku barbaarta akhlaaqda wanaagsan waxay noqdaan dad bulsho ku wanaagsan, kalsooni leh, kana fog falalka xun. Tani waxay sare u qaadaa sumcadda qoyskooda iyo horumarka bulshada oo dhan.

Gunaanad

Doorka waalidku waa laf-dhabarta aasaaska akhlaaqda carruurta. Tusaale fiicana u noqon kara caruurta, bari karana qiyamka toosan, iyo inuu siiyo waalidku caruurta hagid joogto ah oo ka dhigi kara carruur ta kuwo mustaqbal nuuraya leh. Haddii waalidku doorarkaas si dhab ah u gutaan, bulshadu waxay ka faa’iideysataa qoys cusub oo fikrad iyo firfircooni leh, oo ku soo biiriya bulshada himad iyo hiraal wacan.